Hargeysa(Garadag.org)-Madaxweynaha Somaliland, Mudane Dahir Riyaale Kaahin iyo waftigii uu hogaaminayey ayaa galabta ku soo laabtey dalka, kadib markuu soo dhamaytey Socdaal laba todobaad ah oo ku soo marey dalalka Ingriiska iyo Mareykanka.

Madaxweyne Riyaale oo shalay ka soo abmabaxay Caasimada dalka Mareykanka ee Washington, waxaa madaarka Hargeysa ku soo dhoweeyey masuuliyiin farabadan oo ka kala socdey golayaasha qaranka iyo dadweyne farabadan.

Garoowe(garadagnews), Madaxweynaha Maamul-goboleedka Puntland, Jen. Cade Muse, ayaa codsadey Ciidamo shisheeye, ka dib markii ay Jeneralka la soo deristey xaalad Siyaasadeed oo adagi. Wararka ka imanaya Magaalada Garoowe ayaa sheegaya in Cade Muse halgan ugu jiro Sidii ciidamo shisheeye loo keeni lahaa Puntland.

Ujeedada Ciidamadaas ayaa lagu micneeyey inuu kaga hortegayo Ciidamada Somaliland ee ku sii dhowaanaya dhinaca Xuduudaha Somaliland ay la leedahay Garoowe.

Muqdisho.(garadagnews), Ra,isalwasaha Kooxda Impagatti Mr. Nur Xasan xuseen, ayaa maanta ku soo gurya noqdey magaalada Muqdisho oo aanu cagaha soo dhigin ilaa intii  loo magacaabey Wasiirka Koowaad ee Kooxda Impagatti.

Ra,isalwasaare Nur Cade, ayaa la kulmay xaalad adag ka dib markii ay kooxaha ka soo horjeeda Xukuumadiisu  weerar hoobiyayaal ah ku qaadeen Xarunta Madaxtooyada(Villa Somaliya). Dagaalkan ayaa sida wararka ka imanaya Magaalada Muqdisho sheegayaan aan weli la xaqiijin khasaaraha ay geyteen.

Washigton(garadag), Waftigii uu hogaaminayey Madaxweynaha Somaliland, Mudane Daahir Riyaale Kaahin, ee booqashada ku joogey Magaalada Madaxda dalka Mareykanka, ayaa gebi ahaanb ku guul-dareystey Socdaalkoodii iyo arimihii ay u socdeen, kadib markii Sida la sheegay uu Madaxweynaha Somaliland ku guuldareystey inuu qanciyo Wasaarada Arimaha Debeda (state department) ee Mareykanka.

Dawlada Mareykan ayaa beryahan wadey qorshe ay ku raadinayso, sidii ay Somaliland ula yeelan lahayd iskaashi, sida uu sheegay xoghayaha Gaashaandhiga Mareykunka mudo bil laga joogo.

Garadag, Somaliland(garadagnews), Muaharaad balaadhan oo lagu taageerayo gooni isu taaga Somaliland ayaa maanta ka dhacay Degmada Garadag ee Gobolka Sanaag.

Waxaa halkaa isugu soo baxay Dadweyne farabadan oo ku dhawaaqayey erayo ay ka mid yihiin Somaliland way jireysaa weligeedna way jiri jirtey, Cidina ma gil-gili karto iyo Somaliland waxay ku timi halgan dheer loo hurey naf iyo maalba.

Somaliland(garadagnews). Maanta oo ahayd maalintii loo asteeyey Mudaharaadyo ka dhaca dalka oo dhan, ayaa muwaadiniinta Somaliland ka sameeyeeen gebi ahaan gobolada dalka isu soo baxyo balaadhan oo lagu taageerayo gooni isutaaga Somaliland.

London(Geeska Africa)-" Ahmed Xuseen Ciise waa nin muwaadin ah oo aqoon yahan ah, waa saaxiibkay mana lihi kursiga ma geyo laakiin waqtigeedii lama gaadhin, waqtigii ololana lama joogo." Sidaa waxaa yidhi Cabdilaahi Cabdi Xaaji Cumar(jawaan) oo ka tirsanaan jirey Komishankii dooroshooyinka ee waqtigoodii dhamaaday, hadana wuxuu ka tirsan yahay Xisbiga Kulmiye, maruu u waramayey shabakada wararka ee Hadhwanaagnews isagoo jooga magaalada London.

Nairobi(Garadag.org). Golihii Wakiilada ee dhawaan laga soo doortey gobolada Dalka Kenya, ayaa maanta fadhigoodii ugu horeeyey yeeshay. Madasha golaha oo ahayd meel aad loo adkeeyey amaankeeda, ayaa waxaa ka soo xaadirey 207 mudane oo isugu jira mucaarad iyo muxaafadba.

Fadhigan golaha Wakiilada cusub ay yeesheen, ayaa ujeedadiisu ahayd inay goluhu ku doortaan Shirgudoon hogaamiya golaha wakiilada cusub ee Kenya.

Hargeysa(Garadag.org). Golaha wasiirada Somaliland, ayaa fadhigoodii todobaadlaha ee ay yeelan jireen maalinta Isniinta, ku go,aamiyey in dalka oo dhan laga qabto banaan-bax lagu taageerayo gooni isu taaga Somaliland.

Madexweyne ku xigeenka Somaliland oo shirkaa gudoominayey ayaa magacaabay gudi qaban-qaabo oo uu horkacayo Wasiirka Warfaafinta Somaliland Mr. Ahmed X. Dahir.

Burco(garadag.org), Ciidamada Somaliland ee ku sugan jiidaha gobolka Sool, ayaa dagaal ku qaadey tuulada Dhabansaar oo qiyaastii 70km koonfur kaga beegan magaalada Laascaanood, ka dib markay ka warheleen in Maleeshiyooyin Puntland soo abaabushay halkaa ku sugan yihiin.

Dagaal halkaa ka socdey mudayar ayaa ciidamada Somaliland oo ah Ciidan aad u diyaarsan, ayey u suurta gashay inay la wareegaan gacan ku haynta Saldhigaas.